Mbah Sastro nulis layang kanggo anake, Bejo, sing lagi ditahan mergo dikiro teroris, isi layange:
"Jo, bapak wis tuwo tur ringkih, isih ngono sedih mikirne awakmu.. Saiki wis mongso tandur telo, le. Kowe opo isih suwe ditahan? Njur iki sopo sing arep ngrewangi bapak macul?"
Kacek seminggu Bejo mbales layange bapak'e, anggone ngirim layang dititipake sipir penjara,
"Pak, aku njaluk tulung tenan yo, kebun'e ojo dipaculi dhisik, soale aku mendhem bedhil karo granat ning kebon kono kuwi, Pak. Tenan ya pak, aja dipaculi disik.."
Ora ngerti, layang soko Bejo mau disensor dhisik karo petugas penjara.
Seminggu bar kuwi mbah Sastro kirim layang maneh:
"Jo, sak bar-e aku nompo layangmu, sak peleton Densus anti teror maculi kebun-e bapak.. Jarene nggoleki bedhil karo granat sing mbok pendhem. Nyatane ora ono.. Trus aku kudu piye iki, Jo?".
Bejo genti bales kirim layang maneh:
"Pak, saiki langsung ditanduri telo ae Pak.. Kan wis dipaculke karo bapak-bapak Densus. ojo lali ngaturke matur nuwun marang bapak-bapak Densus ya Pak, mugo-mugo entuk piwales soko Gusti Allah.."